والله ما عااااد يسترنا يكود القبور

بسم الله الرحمن الرحيم

مني اليكم والسلام عليكم


الحمد والشكر وأجل الثناء للالاه= الله يجعل لنا في ضلمت القبر نور
ا لمعطي اللي يمدون العطى من عطاه= المانع القادر البر العزيز الشكور
الواحد الخالق الباري تعالى علاه= الماجد الواجد النور الودود الغفور
الرافع الباسط الوالي لكل الولاه= المغني الواسع الحق الرشيد الصبور
يا لله عفوك ألاهي خالقي والنجاه= يوم ألقيامه إذا حان البعث والنشور
في ساعةٍ يسهي المسلم عن أمه وأباه= كلن يدور إلى ألجنه وأهلها عبور
وأجعل لنا نور نمشيبه بكل اتجاه= بعد الحياة الكئيبه في لحود القبور
أنت الذي ما يخيب كل عبد رجاه= اجعل لنا في جنان الخلد مأوى ودور
وإليا ذكر سيد الأسياد صلوا علاه= محمد الهادي العدل الأمين الوقور
عليه منا عدد ما نذكر اسمه صلاه= صلوا على افضل بشروازكى نبي يا حضور
هزيت جذع القصيد العذب واسقط جناه= والشعر سحر البيان وترجمان الشعور
وإن ما كتبته وخلدته صدور الرواه= حرام يكتب عشان يموت بين السطور
كم شاعرٍ خط شعره مير محدٍ قراه= وكم شاعر ناحتٍ شعره بوسط الصدور
وكم شاعر تومي ارجوله وتومي يداه= ويقول انا اللي بمعرفتي سبحت البحور
ويلبس الشاوي الثاوي بشوت القضاه= ويحط ربعه مكان سهيل والناس بور
وإنه كريم وشجاع وراس منصى وجاه= وإن كان حت للحقيقه ما يلام معذور
أهل المجامل تصفق له وزاد بعماه= ثم شد حيله وقال انا العديم الجسور
والطيب اللي بهم الدين ربي حباه = السان شعره عن الاسلام سيفٍ بتور
يا عل شعري وما تملك يميني فداه = اي والله ايهمني همه وكلي قصور
صحيح يالربع انا همي صعيب دواه= تكفون ما عادني على المكابر صبور
الشام غيم من افعال النصيري سماه= وسيل المصايب على الاسلام واهله حدور
إستعجلتنا الخطأ والوقت دارت رحاه= لين انكشفنا وصرنا من دبور لدبور
يا شامنا عذرنا يكسر عظام الجباه= ما عاد منا على الاسلام وأهله غيور
عشنا بلا دين وأغرتنا حياة الرفاه= وطرنا مثل ما يطير مع الهبوب البخور
واصل يا بشار صناع القرار الدهاه= ما همها الا مضاهر وحب الضهور
يا سنة الشام بيعونا خمار الفتاه= ما عاد فينا قعيده يحتمون السبور
المشكله ماهي ببشار والا إزملاه= الحرب سنه وشيعه يا ولات الامور
المسلمه توخذ برجلينها يا سفاه= والعود راسه يوطى والغلام معثور
ابو بكر يلعن ويشتم ما هذا جزاه= وعمر من الشتم والتوبيخ ينصاه دور
والطاهره امنا تقذف بفعل الزناه= وقلوبنا مغتشيها الران وعيون عور
والعقل تفكيره اليا فكر اقصى مداه= اما وش اللبس والا في العشاء والفطور
نلبس وحنا ليا جات الحقيقه عراه= والشام تنزف وحنا يا حياة الثبور
يا امة محمد المختار ماهي حياه= حتى لو إنا سكنا فارهات القصور
تكالبو ضدنا يا مسلمين الطغاه= وقامت علينا المصايب والدواير تدور
لاكن هبو بقدر الاستطاعه حماه= واللي ما يقدر يجهز غازين ما يبور
وإن كان مالله ها ثم اللي نعيش بذراه= هو نمرنا اللي تحت ضله تنام النمور
بكره يزيزل سما الشام المحاصر نداه= اليا حيينا نصر والموت جنه وحور
وان كان عشنا كذا على ما حنا علاه = والله ما عاد يسترنا يكود القبور

لله درك
لله درك
لله درك
تشرفت بقرائتها
اشهد بالله انك كتبت مايدور في صدر كل غيور

صح السانك وسلمت يالذيب

صح لسانك يابو سلمان صورت الأوضاع بدقة متناهية ، شاعر تتعامل مع الموقف بحرفنة

القثامي عبدالله
اسعد الله جميع اوقاتك بكل خير
وكل عام وانت بخير
قصيدتك اكبر من اني اعبر عنها

صح لسانك لين ترضى
تقبل مروري

الله عليييك يبو سلمان مبدع مبدع

كل عام وانت بخير يابوسلمان ..

ولاهنت ع القصيده الجريحه الجارحه !

وبالفعل لو ان اغلب ماذكرت واقع ومشاهد ، فلا ينبغي نسف الجانب الايجابي للامه
والتي قال عنها النبي صلى الله عليه وسلم ( لا يزال الخير في امتي الى قيام الساعه )

ما اكثر الغيورين وما اقل حيلتهم ، ولله الحكمة في ذلك ..

تقبل رايي وتحياتي لغيرتك وحرقتك على واقعنا وحالنا اليوم وإلى الله المشتكى

اخوكم

الغالي عبدالله محمد
هلالالالالالالالالالالالالالالالالالابك
الف شكر لمرورك من هنا