ابن لعبون معهن أومعها

[poet font="Arabic Transparent,4,white,normal,normal" bkcolor="transparent" bkimage="backgrounds/70.gif" border="none,4,gray" type=0 line=200% align=center use=ex length=0 char="" num="0,black" filter=""]
بـاتـ حذاي العاذلات الهواهي !! = فـي سد باب ٍ من بحور الهوى هيّ
ركب به يشدنّ دود ٍ علـى عود = والنفـس ميـدان ... الـهوى.,. هـيّ

باح الغرام ونشـّف الريـق بالاّه = يا لاهي ٍ يلعب ولا هوب بـالاّه.
يا عين باشواقك أساليـك بالله = حيـثي مناجي في هواك الهواهي

ذا سيل ديم ٍ أو نواقيـط واكـف = يشق بـجفونك وانا اشل واكف
فان كان ترضين العمى لك وانا كف = والاّ فـدوري من يدور الدواهي؟

ما فاد نوحي بالديـار العوافـي = أدري الجنـا تالـي وصار العوافي
مالي ودوب أهل السبايا العوافـي = من مردف ٍ جيشه نكـيف ٍ وناهي

صدّت صدود المستحي من هـواها = واشتـمّ عذريّ الهوى من هواها
لو قالت اطلب قلت انا من هـواها = مقـدار يومين ٍ وارجع إلى هي

يا حيف أظعـآن الحبايب وحادي = غنـى وراها باول الليل حادي!
أرعى الهلال اللي بدا يوم حـادي = ينمي ونقـص البدر عند التناهي!

ارفق فلي فيهن ريّـا المخلـخل = مبـري سهمها بالضمير المخلخل
لا واعلي يجلي عضاي المخلـخل = دهـر ٍ مرض في غيّها يا سباهي

ماريت أنا من صدّة البين باكـره =مـن يوم بكّر ظعن اهل ميّ بكره
لـو ان وعدهم لي على بطن بكره = أو الـذي يسلك طـريق المتاهي

راحـوا بـخود ٍ مثل صافي المهاة ِ = والخـد أسيلن مثل خد المهاة ِ
متلوع جيـد ٍ مثل جيـد المهاة ِ = وخثـرٍ غزال ٍ مكحلاتٍ سواهي

هل هم على ذيك الصداقة وهل هم = نـزل ٍ على جّو الأميلح واهلهم!
يا ليت اهلنا يا مـحمد واهلهـم = لـو ساعفت يا مي فيكِ المشاهي

دون التماني غاشيات الغواشـي = ومعمّلات ٍ بالعيــون الغـواشي
إن كان عازك من عواز الغوى شي = بع بالهوى روحك بسوق الملاهي

دار الهوى في جملة الناس طايف = ما احد ٍ بغاه وواقف ٍ مثل طايف
الرابح اللي ما تـمناه طايـف = نسمة هـواه وصـد عنه متلاهي

ما هوب طوع ٍ داعي ٍ له صبابة = خليّ هم ٍ والتعب بـه صبابة
لو ناسموها ذاير ٍ لـه صبابـة = ذيك الحباري كان لانا ولا هي

قالوا تعال وجيت ابي شوف وايلاه = متـوحّد ٍ يعبـد حسانيه ويِلاه
وابليت عمري فـي مراميه ويـلاه = من ضيّع الدنيا وديـنه سـوى هي
(محمد بــــن لعبون)

[/poet]