(بنيّــة المطر)

[poet font="Arabic Transparent,4,black,normal,normal" bkcolor="transparent" bkimage="" border="double,6,gray" type=2 line=200% align=center use=ex length=0 char="" num="0,black" filter=""]
سلام الله على حضرت جناب(الشعر) والشعار=وعلا .. بحوره.. وقيفانه.. والأوزان ومعانيه
وعلى .. خمس .. وعشر.. وأربع.. وتنقا من الحروف أثمار-*)=بريح الهيل واليشموم ,, وأربع ميّه.. وميّه
وسلام الله على "العرود" وافي أشبار نسل أحرار=ضنا عبس أهل العطفا وعزوتهم رشيديّه
يدك والحار ياجاهل في (أبو الجازي) يدك والحار=ومن لايعرف "العرود" يدخل محوّ الأميه
وسلام الله على (كلاش) وله النهج العظيم أشعار=تحاما دون برقا روق والرايه عتيبيّه
أقول الحق وأهل العرف منهم نسمع الأشوار=لريمان العقال ,,, وللشداد أشداد ريميّه
ولا يللي تعذر لاتعذر ماتفيد أعذار= ترى الحقران من حدره دواهيه وسواهيّه
ولا يالله ياستار ... الا يالله ياستار=بناء عرشه على أيقونة نهر تجري غداريّه
هو الفرد الصمد والخالق القدوس والجبّار=على رسله أمر جبريل بالكتب السماويّه
عرفنا اللآت والعزه من الأصنام والكفار=وعرفنا أحفاد فيروز وديانات المسيحيّه
أنا لازلت جاهل بالكلام وموجز الأخبار=وخاف أجرح مشاعر ناس في هاذي وهاذيه
وأنا معشوقتي بنت البحر حوريّة الأبحار=أكحل عينها الحورا ... وبها عيني شقاويه
وسلام الله على المعنى الجزيل وللبيوت أعمار=مثل مال النفوس أعمار والأعمار عاريه
كتبت من القريض أبيات بشعور وفكر وافكار=بها من لدغت التنين أبو راسين ماريّه!!
أهيم ابساجعاتن راقصاتن بالغرام أبكار=وهببها ليا هبت من النود الشماليه
يراود فكري أوطان وشعوبن كامله وأقطار=وراع الشعوذه عندي له أحروف الغزاليه
على الأيمان والدين ألحنيف .. وللدنا القمار=احاسب كلمتي ..أدرا الحواسيس بفهاميه
ولايلعب عليّ جاحد ولاعاذل ولابوّار=اعرف أوصاف قرناس الخلا ماهوب حنديّه
وعسى مزن الحيا لاهل منه الوسم والأمطار= عسى يٍسقى ثرا قبرك يابو زيد ابمباديّه
مغاتيرن تهل من الطها الوسمي بكر وبكار=مقادمها حيا من مزنتن فيها الرعد حيّه
وأحب الصعب والشطّار ولعب لعبت الأخطار=على قولة نهار أهنيّه الحرب الجنونيه
ولاياللي تحب الفكر وكبار العلوم اكبار=ترى الأيام والأعوام ميلادي وهجريه
كتب هارون حسبتها بقبتها وفيها أسرار=وانا مابيّن أسراري على ألعربان موليّه
مدام أن الدروب أيمين عكس اهل اليمين أيسار=ومعاصير البوارح بالشمال وبالجنوبيه
ولا يامبلشين الشعر بالدولار والدينار=لونه يشتكي شكواه من ناسن خياليّه
مدام أن الهروج أكبار لازم بالهروج أصغار=غرور وغطرسه يا أهل الفهامه والفهاميّه
بلش هدلان فبراير وجانا مطرف الدولار=ترا اللي ماعليها دين بالأقطار هنديّه!
وغني ياحمام أشهار جوك مذيّرين أشهار=يادار الخير ماينساك لاراعي ومرعيّه
وسلام الله على حضرت جناب الشعر والشعار=اقدمها الى حضرت جناب الشعر عيديه
وصلات الله على طاهه عدد موّمت من الأشجار=شفيع المسلمين بيوم جمعت كل ذريــــــــّة
[/poet]