(( طعات )) احرجت اصحابها .. !! 3

وش طعه ووش طعات
ألا قل عائلة طعة بكبرها تحت ولايتي


لذلك مايمر يوم إلا وأجيب عيد الضحية
<< يفكر في موضوعين بوقت واحد على قولة نادر العنزي

طعّة بطلها واحد من الجماعة و كنت أحد شهودها ..,


الرجال مبطي من ابوه و ابوه في الديرة , و سافر الرجال صوب الشايب يسلم عليه و ما عنده إلا أسبوع واحد إجازة من العمل ..,
المهم الرجال يوم وصل للديرة , إلا الشايب عند الأبل في الرملة ( الربع الخالي ) و بينه و بين الابل 400 كم تقريبا
و ما عندهم تلفونات , ما غير الثريا و لا يشغلونه الا وقت الحاجة

رفيقنا راح من اجازته 5 ايام تقريبا , و لا بعد واجه الشايب , و في تالي النهار جاء الشايب من الأبل
و يوم واجهه يبي يقول له : ( حي الله الشايب القطوع )
لكن زلق لسانه و قال ( حي الله الشايب ..... !! ) --> عاد انتوا بشوية ذكاء اعرفوا وش قال ههههههه



مخرج :--

( ما بعد جاكم من السيل إلا مطارقه )

*
*
*
طراه الصلاة
طعة الشيبان
صليت مع ثلاث شيبان فـ الديره
وكان مع ايمن الصف ورع يلعب يمين واحد من الشيبان وحنا في الركعه الثانيه ضربه الشايب وقال ياورع اعتدل
التفت عليه الشايب اللي جنبه قال تراك قطعت صلاتك قال الثالث لـ الثاني حتى أنت بعد ههههههههههه:Icon29::Icon29:

شكرا يابوحمد على هـ المساحه

والشكر موصول للشباب

أضحكتونا الله يعطيكم العافيه

ابو حمد

انت كلكـ بركة .. وما يجي منكـ، الا الزين

موضوع شيق

ولابد من المشاركة

وبما أني سليم من الطعات

< إي ما عليه


كان لنا جار الله يستر عليه حياوي جداً جداً ..

المهم

يوم من الأيام صادفته وحنا رايحين نصلي الظهر .. وعزمته على الغدا

وقلت له غدا بيت وحياكـ ، مابه الا انا وإخواني ( خابره يستحي واجد ) .

قال : تم

وجا وتقهوينا .. والرجال من يوم جلس وهو ساكت ، ويالله يجيب السالفة وجا الغدا وتغدينا

. المهم يوم خلص وجا بيقوم ,من الربكة , بدال ما يقول الله يغنيكم او (ماشابهها) من المصطلحات ..

قال : (( مع السلامة )) .. ههههههههه

عقبها الرجال غسل يده من العيشة ومشى .. وأنا غسلت يدي منه

وسلامتكم

ولي عودة بـ .. (طعة خاصة فيني ) ..

المشاركة الأصلية كتبت بواسطة محمد الشويّب

,

طعه جديده وفررررررررررش


كنت مداوم ليل ومعي ثنين مع العيال
جت الساعه 1 فالليل ولا جانا المسؤول

قال خويي ياعيال انا بنام ماعاد اشوف .. طبعا النوم ممنوع عندنا وممكن تفصل بسببه
قلت نام وان شاء الله محد بجاي .. فرش 3 سجادات 2 بالطول ووحده بالعرض ونام
بعد ساعه تقريبا فتحت الباب ابطلع عندي شغل برا المكتب لين السوبرفايزر توه مطفي موتره وجاينا يمشي
وانا ارجع واصيح لخويي يافلالالالالالالالالان قم قم قم المسؤول وصل ..!!
ساع قام خويي لين المسؤول فاتح الباب
ويخويي يتدارك الموضوع يوم انه وقف وتحته سجاده الصلاه قال ( الله واكبر ) يعني انا تراني اصلي
انا ماعاد اشوف قدامي واطيح جمبه من الضحك
والسوبرفايزر مع دربي
قاله يافلان رح البيت توكل على الله
انت مجنون


ومن يومها لا شفت خويي مايطري علي الا ( الله واكبر )

ههههههههههههههههههههههه


طعه قريبه من القلب ،
< يمر به مثل هالمواقف لـ تشابه ظروف العمل

المشاركة الأصلية كتبت بواسطة فارس بن مرداس

مره من المرات وانا رايحن لـ الحلال في الدهناء مريت نقطه ام سدره
وخابر فيها واحد من الربع و الرجال ما اعرفه الا بأسمه من سوالف الشباب
انه تعين في نقطه التفتيش وهو ما يعرفني خير شر
الاكيد اني وقفت عند النقطه وناسي رخصتي واستمارتي في المحفظه فـ البيت
جاني جندي شايل لوحه الاسم
قال لأزم أحرر مخالفه
وبعد الجدل شوي
قلت يا ولد انا ولد عم فلان
قال تعرفه
قلت ايه
قال انا فلان

؟
؟
؟

لا عاد تسئلوني وش صار

ههههههههههههههههههههههههههه

انسب تصرف انك تقول : جابك الله وتحب خشمه

المشاركة الأصلية كتبت بواسطة فهد الزعبي

ابو حمد

انت كلكـ بركة .. وما يجي منكـ، الا الزين

موضوع شيق

ولابد من المشاركة

وبما أني سليم من الطعات

< إي ما عليه


كان لنا جار الله يستر عليه حياوي جداً جداً ..

المهم

يوم من الأيام صادفته وحنا رايحين نصلي الظهر .. وعزمته على الغدا

وقلت له غدا بيت وحياكـ ، مابه الا انا وإخواني ( خابره يستحي واجد ) .

قال : تم

وجا وتقهوينا .. والرجال من يوم جلس وهو ساكت ، ويالله يجيب السالفة وجا الغدا وتغدينا

. المهم يوم خلص وجا بيقوم ,من الربكة , بدال ما يقول الله يغنيكم او (ماشابهها) من المصطلحات ..

قال : (( مع السلامة )) .. ههههههههه

عقبها الرجال غسل يده من العيشة ومشى .. وأنا غسلت يدي منه

وسلامتكم

ولي عودة بـ .. (طعة خاصة فيني ) ..

هههههههههههههههههههههههه

صدقني اني انتظر الطعه الخاصه فيك
من يوم ، غسلتوا يدينكم

المشاركة الأصلية كتبت بواسطة مشعان البراق

,


اليوم الاثنين ,
19 / 4 / 1431 هـ . ,

:

مشكلتي ما اعرف اداوم بدري لو أقعد من النوم قبل الفجر ,
روتين كل يوم مع المدير : ( وبعدين معك يامشعان , ما يصير ) - ( ابشر ولا يهمك .. لا يصير خاطر الا طيّب ) !
ومتعودين على بعض ,

داومت اليوم 8 الا ربع : ويوم دخلت الا المصلى مافيه محل والصلاه قائمه ,
دايركت صلاة استقتاء .. قلت في نفسي حلو حلو :Icon24: , وادخل اوقع واكتب الوقت مثل اللي قبلي 7 تايم . ,
يوم طلعت من الغرفه الا مع ركوع الامام .. ,
ركعوا الطلاب .. وبانوا المدرسين اللي واقفين على جنب .. لا أزين ما اشوف المدير قدامي يعاين فيّ وانا طالع من الغرفه ,
المهم بعد الصلاه تواجهنا .. قال المكروفون ماهو واضح في الصلاه , قلت الا ليه الامام يركع بدري .. كان كملها شوي على الاقل يتسكر الباب , هههههههههههه
قال أنت مافيك طب , :Icon29:
بس من بكره إن شاء الله الدوام بدري , : )

هههههههههههههههههه
هههههههههههههههههه

الحين عرفنا سبب هبوط مستوى التعليم فـ السنوات الاخيرة
بس ابو محارب .. الاستقتاء متى صليتوها ؟ حنا صلينا استسقاء بس

المشاركة الأصلية كتبت بواسطة بندر العطاوي

[align=right]

8

لاجد مو قادر امسك عمري من الضحك
ههههههههههههههههههههههههههه
ابك ياخسارة الصرعه والابر والعضيده

<متابع بحماس

.[].

[/align]

ههههههههههههههه

اذا بغيت عذر يا بندر لا تشيل هم :Icon29:

:
:


وهذي طعة جرت على أخو صديق لي (( مطيري )) .. !!

دخل المستشفى بيسوي عمليه واعطوه (( البنج )) ..
وقاموا يسولفون الاطباء معه عشان يتأكدون دخلوه البنج ..
المهم اخر سؤال سألوه .. وش اسمك .. ؟؟
قال : فلان بن فلان .. ودخل البنج ..
بعد اربع ساعات صحى في غرفته وكمل : المطيري .. !!
وأنا اضحك لهالحين .. !!

هذي طعّة قديمة و سبق لي كتابتها في ركني المقبور الله انه يرحمه

و هذي احداثها بالتفصيل :--

مره من المرات كنت رايح للسوق .. و شفت لي مصري لابس فنيلة ( برشلونه ) و تعرفون إن فنيلة برشلونه شعارها فيه ( صليب )
:
:
قلت خلني أنصح الرجال .. من باب الأخوه الإسلاميه
ثم دار بيننا هذا الحوار ..,

أنا : السلام عليكم
المصري : و عليكم السلام
أنا : كيف حالك ؟؟
المصري : الحمدلله تمام
أنا : يا أخي أنا عندي كلمه .. ممكن دقيقة من وقتك ؟؟
المصري : ممكن و نص ..
أنا : يا أخي الفنيله اللي أنت لابسها .. فيها ( صليب ) و ما يجوز إنك تلبسها .. لأنها تخص النصارى .. و لا يجوز إنك تدخل بها المسجد و تصلي بها .. و يجب أن نحقق قضية الولاء للإسلام و البراء من أهل الشرك
المصري : شوف يا عم ( الحق ) أنا مش مسلم أساسا .. أنا مسيحي
أنا : ( أيقون اللي يدلع لسانه بكل استغراب ) طيب يا أستاذي أنا آسف
المصري : لأه ما حصلش حاقه

عاد لا أحد يشوف وجهي عقب ذا النصيحه

المشاركة الأصلية كتبت بواسطة مشعان البراق

^

جب السالفه كامله , قل كان أخر ما يقراء عنه زواج المسيار
< نكب الرجال هههههههههه

هههههههههههههههههههههههههههههه
<-- يتلفت .. !!

المشاركة الأصلية كتبت بواسطة محمد آل عبدان

عاد لا أحد يشوف وجهي عقب ذا النصيحه

هههههههههههههههههههههههههههههههههههههههههه

كان قلت (( تسابقني )) .. ؟؟
<-- عشان تصرف الموضوع .. !!

طعات كم .. كبار .. كبار .. أيها الشعب المرقابي


الطعه اللي .. ودي اقولها يعرفها .. ابو تركي .. محمد صالح
اذا سمح لي .. قلتها .. والباقي على الله


,,
,,

^
^

هاتها بس , أمون على ابو تركي

المشاركة الأصلية كتبت بواسطة مشعان البراق

^
^

يابو حمد أنت فاتح الموضوع بـ كل اريحيه .. لايصير فيها مقص رقيب . ,
هات السسسسسسالفه !

<

هههههههههههههههههههههههههههههههههههه

أي سالفه .. ؟؟ <-- داق اللطمه وعواناته تراوغ .. !!

والله يابعض الطعات انها ماهيب صاحيه من اليوم اقرا وخذ ضحك



طراه التعريف بالاسامي صار لي موقف حول موقف عفاس فالتعريف بالاسامي




في عشى رسمي وجو مجموعه اربع اشخاص اعرفهم معرفه مايحتاج بس واحد منهم نسيت اسمه لان علاقتي معه ماهيب هاك اللي


والشايب عند الباب وانا اقوم اعرف بهم عنده قلت فلان بن فلان وفلان بن فلان ورافع صوتي
ويوم جاء الرابع لاوالله يوم بلشت وانا اصرف له نغمه سريعه يذاكني اعرف بالاسم وهي خاليه من الحروف


والشايب يلتفت قال الرجال هذا وش اسمه ما اوحيتك


ومحاتسيكم تمسك ترحيب يالله حيهم يالله حيهم


لين نقز واحدن منهم وعرف به


عقبها سرى الرجال وانا ماحطيت عيني في عينه

[QUOTE0]
دام انها في السوالف ( أخو صديق وصديق أخو ) سجلوا عندكمـ ..

:

( صديق أخوي ) دوسري ,
هداه الله وإلتزم .. وأطلق اللحيه وقصّر الثوب .. وتغير عن ما كان عليه 180 درجه . ,
عكف على حفظ القران .. وأول ما بداء فيه .. حفظ أول 10 آيات من سورة الكهف ( إتقاءاً من فتنة المسيح الدجال ) !
جت الصيفيه وراح لـ وادي الدواسر . , يوم جاء عنده ربعه وجماعته
لا الرجال ماهوب رفيقهم الأول , كل ٍ يقول ماشاء الله تبارك الله
جت صلاة المغرب : وقدموه لـ الصلاه / تقدّم فيهم ( استووا آعتدلوا ) : الحمدلله رب العالمين .. ألخ ,
ويبداء في سورة الكهف ( الحمدلله الذي أنزل على عبده كتاباً عوجا * قيماً لـ ينذر بأساً شدياً من لدنه ويبشر المؤمنين الذين يعملون الصالحات أن لهم أجراً حسناً ) وهو يسكت .. يتذكر يتذكر لا ماهي في البال مرّه , يبي آحد يكمل من اللي حافظينها وراه .. لا الجميع سكوت
ويعيد مرّه ثانيه , ويعيدها مرّه ثالثه .. يوم شاف ما آحد مكمّل / ويبداء في ( قل هو الله آحد ) ,
أتم الركعه الاولى وهو في سجوده تذّكر تكملة الأيه / ويقوم للركعه الثانيه ويقراء الحمد ويبداء في الكهف مره ثانيه , يوم جاء عند نفس الايه وهو يوقف يتذكر يتذكر لا ماهي في البال بعد .. ويعيدها مرّه ثانيه ويسكت .. الا شايب وراه يقول ( قل هو الله آحد / قل هو الله آحد ) ههههههههههه ,
موقف لا يحسد عليه , : )[/QUOTE0]



والله ياضحكت لاان مابقالي تسبد هذي والله النشبه صدز

,

هذي ايام الدراسه
انا وواحد من العيال مطيري
على موتره ورايحين بيوتنا
والرجال كان مظلل موتره وصفطتنا دوريه
الوكاد خويي نزل يكلم الشرطي والشرطي الثاني نزل وجا عند بابي
قال : البطاقه ماعليك امر ؟
قلت: اخذ البطاقه معي المدرسه ؟ ليه ان شاء الله
قال : جاوب على قد السؤال .. وين بطاقتك ؟
قلت : فالبيت ياخي وش ابي فيها اجيبها المدرسه
قال : وش اسمك ؟
قلت : محمد خلف
قال : تستهبل انت !!
قلت : وش الي استهبل ؟
قال : اخلص علي شسمك ؟
قلت : محمد خلف يابني آدم
قال : لا تستهبل وعلمني اسمك
قلت : يابني ادم قايلك اسمي مايكل انا ؟ اسمي محمد خلف .. محمد اسم الرسول عليه الصلاه والسلام وخلف اسم بدوي
قال : انت منت صاحي وراح

الوكاد ركب خويي الموتر وقال الله يبيض وجه المطيري فكني
قلت اي واحد ؟
قال الي كان عندك قلت ياخي هذا ماهوب صاحي ؟
اقوله اسمي محمد خلف يقول لا تستهبل
وساع قلتها لخويي لين الرجال ماعاد له تسبد من الضحك
يافلان وش فيك .. يافلان وش فيك ؟
قال يامجنون الرجال اسمه محمد خلف ماقريت اسمه على القميص ..!!

اخذوا يالربع هالسالفه . . . .

على طاري الطعات , , ,

يوم من الأيام , كنت عند محطه ازين كفر السياره , وجت سياره مبنشره وراعي السياره معه قرد ,

استانست على القرد تخبرون بالشمال ما عندنا قرود واستغربت . . .

وروعته وارتاع . . رميت عليه علبه . وقعدت اضحك عليه ,

ويفلت القرد من الرجال وياخذ مفك العجل ويلحق وراى , وانا انحاش بوسط الشارع والقرد وراي ,

والقرد يحذف المفك بغى يفضخ راسي بس ما صابه , والله اني سمعت صوت الهوا حق مفك العجل من عند

راسي , وفكني الله , والعالم كلها تضحك علي . . .

ههههههههههههههههههههههههههههههههههههههههه

وصرت مشهور على مستوى تبـــوك في هالسالفه . . .

المشاركة الأصلية كتبت بواسطة نادر العنزي

اخذوا يالربع هالسالفه . . . .

على طاري الطعات , , ,

يوم من الأيام , كنت عند محطه ازين كفر السياره , وجت سياره مبنشره وراعي السياره معه قرد ,

استانست على القرد تخبرون بالشمال ما عندنا قرود واستغربت . . .

وروعته وارتاع . . رميت عليه علبه . وقعدت اضحك عليه ,

ويفلت القرد من الرجال وياخذ مفك العجل ويلحق وراى , وانا انحاش بوسط الشارع والقرد وراي ,

والقرد يحذف المفك بغى يفضخ راسي بس ما صابه , والله اني سمعت صوت الهوا حق مفك العجل من عند

راسي , وفكني الله , والعالم كلها تضحك علي . . .

ههههههههههههههههههههههههههههههههههههههههه

وصرت مشهور على مستوى تبـــوك في هالسالفه . . .

ههههههههههههههه
ههههههههههه
هههههههه


عاد شمالي .. ويطرده قرد .. حلها