مصافحة اولى

مساء / صباح

الخيرات والمسرآت

قصائد متواضعه عسى ان تنال الاعجاب


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بان وجه الحقيقه ياردات النصيب = الهوى من رداته كم يفرق قلوب
لو ابطرد سرابي مانفعني قريب = قيد الهم خطواتي وسد الدروب
مكسب القلب من دنياه جرحٍٍٍ عطيب = والهواوي على كف النصيب مغلوب
ياهبوبٍ تهز الغصن حزة مغيب = وصلي لي مرآسيل الهوى للجنوب
ليل عيد الضحيه تايهٍ مستصيب = العرب عيدوا وانا لك الله تعوب
فرحة العيد عند الناس شيٍ رهيب =المعايد وطيبه والصدور الرحوب
يجتمع كل من له بالمحبه حبيب= والا انا ماحسبت لفرحتي ومغصوب
اه ياجرحي اللي مايفيده طبيب = الحزن طوق المجروح من كل صوب [/poem]





...


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الا ياوجد حالي والهوى كالسيف أبو حدين = ليآ زآن أنقلب عكس الحقايق وابهت ألوانه
ياكم في ساحة أحزاني على ذكره تهل العين = رفيقن شاءت الاقدار عني تبعد أوطانه
على جرح المفارق والقساوه والزمان الشين = يهب النود ويغرد حمام الورق بالحانه
واشوفك ياحمامه ساجعه بالحال لو تدرين = ليآ هز الهوى ريشك تزيدي نوح ولهآنه
ذكرت بشوفتك وقت الغلا والوصل هاك الحين = سقآك الله يادارن جمع قلبين بحضانه
كتمت الضيقه اللي بالصدر دامت ثمان سنين= ولا زالت على جر الهموم السود شفقانه
تحسب الناس بأني فالزمن سالي مع السالين= أجامل وابتسم للناس والا النفس تعبانه
ألا ياصفحة العمر الشقي ياليت لو تِطوين =مكاتيب الزمن كثرت بحبر الضيق وأخوانه
يلو فينا تشب النار مانتبع خُطا المقفين = ولا قفوا ياكود الا لجل حبي وهجرانه
ولو قلت انهم للحب لايمكن من الناسين = طويل الوقت يجبرهم على تركه ونسيآنه
لمع برق التجافي وانهمل مزنه على الخدين =سحابه ماطره من صادق الاحساس وامزانه
طويل الصبر يرسم لوحة أيامي بلا تلوين = وياكم بيني وبينه فالليالي صك بيبانه
رياح التيه تدفع مركب الاشواق مدري وين = على بحر الدجى ترسيه والاحزان ربانه
شعاع النور لو يسقط على بحر الظلام يبين = عكس نوره على وجه الحزين وشتت أحزانه
ياكيف أسلم من طعون الهوى وأصبح من الناجين = مدآم إن الامل مفقود والاخلاق خربآنه[/poem]




كلمآت اخوكم .. علي بن معلي السلمي


خالص تحياتنا

،



يا مرحبا ومسهلا يابو معلي ،،


عز الله ما هيب متواضعه قصائد من الوزن الثقيل .. صح لسانك وسعداء بتواصل اللي نتمنى انه ما ينقطع


تحياتي



اخوك :

خالد السيحاني

الله الله الله الله

إبداع منقطع النظير
أشهد إنّك مبدع جداً

لك كل التقدير والود

وصلي لي مرآسيل الهوى للجنـوب
الله
الله

القصيده الاولى ابداع ، والثانيه اكثر من ابداع
لله درك والله وصح لسانك يامبدع

•

ياكيف أسلم من طعون الهوى وأصبح من الناجين
مـدآم إن الامـل مفقـود والاخـلاق خربـآنـه

الله الله الله

مرحبآبك يآعلي
وصح لسآنك مليون

مرحبا

مرحبا

مرحبا


والله يحييك مليار وصح لسانك أكثر بعد ...

يا مرحبابك يا بن العم

شاعر ومبدع وهالقصيدتين خير دليل



صح لسانك الف

الله
الله
الله

صح لسانك مليار
مبدع
مبدع
مبدع